Kryetari i Aleancës për Ardhmërinë e Kosovës (AAK), Ramush Haraidnaj, nuk ka shkuar zyrtarisht në Berlin, por në vizitë private me bashkëshorten e tij, Anita Haradinaj.

Sipas një zyrtari gjerman që ka folur në kushte anonimiteti për Indeksonline, Haradinaj mund të pi një kafe me një deputet gjerman, por takime zyrtare nuk ka fare atje.

Indeksonline mëson edhe se kreu i LDK-së, nuk ka takim të aranzhuar me kancelarin gjermane, Angela Merkel, por me këshilltarin e ti.

Sipas disa medieve të afërta me LDK-në, ditëve të fundit është raportuar që Mustafa do të takohet me kancelarin gjermane, Merkel e cila mund ta ndihmojë atë duke i sugjeruar për hapat e mëtutjeshëm në ndërtimin e institucioneve të vendit.

Mirëpo, zyrtari gjerman që ka folur në kushte anonimiteti për Indeksonline, Mustafa do të flas me një këshilltarëve të Merkel, ndërsa pyetja e vetme e tij do të jetë a të vazhdoj bashkëpunimin me AAk-në e Haradinajt, apo të bëj koalicion me PDK-në e Hashim Thaçit. /Indeksonline/