Presidentja e Republikës së Kosovës Atifete Jahjaga në një intervistë që publikohet në numri ne nesërm të gazetës Tribuna ka dhënë detajet e refuzimit të ftesës nga Komisioni Trilateral për të marrë pjesë në një konferencë rajonale që do të mbahet në Beogard.

E para e vendit,ka thënë se Kosova po kalon në një krizë dhe pjesëmarrja në konferenca rajonale nuk është prioritet i tanishëm.

Presidentja e vendit ka thënë se është emergjente, që në këtë kohë të angazhohemi në zgjidhjen e krizës politike të cilën po e kalon vendi.
“Besoj se tani e kemi të qartë të gjithë që kësaj bllokade politike duhet t’i vjen fundi sepse interesat personale dhe mospajtimet e subjekteve politike nuk janë më të rëndësishme se Kosova”, ka thënë Jahjaga.

Ajo ka shtuar se nuk i trembet tash dhe nuk do t`i trembet asnjëherë ballafaqimit me askënd ne Beograd dhe se interesi i Republikës së Kosovës është që t`i zgjidh çështjet e hapura me Serbinë.

Ajo ka komentuar edhe gatishmërinë e Beogradit për një vizitë të tillë por edhe sjelljet e liderëve politikë në procesin e konsultimeve për tejkalimin e krizës.