Në klinikën infektive në QKUK janë paraqitur shtatë raste të prekura me virusin H1N1 të konfirmuara dhe tre që nuk janë konfirmuar ende, ka bërë të ditur Drejtori i Klinikes Infektive, Shemsedin Dreshaj.

Ai ka thënë në një konferencë për media se rastet e para kanë filluar të paraqiten gjatë ditës së premte kurse ka shtuar se një nga pacientet është në gjendje të rëndë shëndetësore.

Virusi i gripit të derrave H1N1 është sëmundje të cilën e shkaktojnë lloje të ndryshme virusesh të cilët te derri janë endemikë.

Virusi H1N1, i tipit A, nuk transmetohet nga konsumimi i mishit apo kontakti me derrin, por transmetohet nga njeriu tek njeriu, njëjtë si gripi i normal, pasi është një kombinim i gjeneve të virusit të derrit, të shpendëve dhe njeriut. /Telegrafi/