Sali Asllanaj Suspendon Shefin e Prokurimit të Komunës

auto_foto-kushtrim-ternava31420815233Kryetari i Komunës së Suharekës, Sali Asllanaj, ka suspenduar shefin e prokurimit Bujar Kuqi dhe tre zyrtarë komunalë,

me arsyetimin se ndaj tyre është duke u zhvilluar procedurë penale dhe dyshohen për keqpërdorim të detyrës zyrtare.

Këtë e konfirmoi për KALLXO.com edhe zëdhënësi i komunës, Reshat Reshitaj. Ai tha se katër zyrtarë janë suspenduar me pagesë, pasi ndaj tyre është duke u zhvilluar procedurë penale.

“Kryetari i komunës ka suspenduar shefin e prokurimit dhe tre zyrtarë komunalë, me arsyetimin se ndaj tyre është duke u zhvilluar procedurë penale në gjykatën themelore të Prizrenit dhe dyshohen për keqpërdorim të detyrës zyrtare”, tha Reshat Reshitaj.

Të suspenduarit janë Bujar Kuqi, shef i prokurimit, Agim Bylykbashi, shef i sektorit të financave, Avni Tafolli, zyrtar i lartë financiar në Drejtorinë e Arsimit dhe Ramadan Kuçi, përgjegjës i punëve administrative.

Bujar Kuqi, shef i Prokurimit Publik në Suharekë, është pjesë e këtij procesi për shkak të nënshkrimit të kontratës nga ane e tij.

“Duke dhënë nënshkrimin e tij më datë 04 tetor 2012, me të cilin ka dokumentuar që kontrata është dhënë në pajtueshmëri me ligjin, Kuqi, akuzohet se ka nënshkruar kontratë me organizatën ekonomike të përzgjedhur e cila nuk ka qenë e përgjegjshme”, thuhet në aktakuzë.

Kuqin aktakuza e ngarkon se duke nënshkruar kontratën me qëllim të përfitimit të dobisë pasurore për vete ose për tjetrin, ose për organizatën e biznesit, ka shpërdoruar detyrën e tij zyrtare.

Agim Bylykbashi, Avni Tafolli dhe Ramadan Kuqi akuzohen se në kundërshtim me Ligjin për Prokurimin Publik i kanë rekomanduar menaxherit të prokurimit dhënien e kontratës operatorit ekonomik të papërgjegjshëm.

Sipas akuzës së Prokurorisë së Shtetit, Agim Bylykbashi, Ramadan Kuqi dhe Avni Tafolli më 28 shtator 2012 në Suharekë, në dokumentin zyrtar shënojnë informacionin e rremë në cilësinë e anëtarëve të komisionit për vlerësimin e ofertave në lidhje me tenderin ”Hartimi i rregulloreve komunale dhe përshkrimi i vendeve të punës”.

Ata ngarkohen se këtë informacion të rremë për tre operatorë që kishin dorëzuar ofertat e tyre për këtë tender, e vërtetojnë me vlerësimin e tyre dhe nënshkrimin e raportit të vlerësimit.

Raporti i rekomandoi menaxherit të prokurimit dhënien e kontratës organizatës ekonomike të papërgjegjshme Sh.P.K. “New Design” nga Prishtina, edhe pse kjo organizatë nuk kishte staf profesional dhe nuk e cekte në veprimtarinë biznesore ofrimin e shërbimeve juridike për të cilat ishte kontraktuar.

Për këto veprime, tre të pandehurit po akuzohen për falsifikim të dokumentit zyrtar.

Siç duket, komuna e Suharekës është njoftuar vonë se ndaj këtyre zyrtarëve është ngritur akuzë, pasi ndaj tyre është duke zhvilluar gjykimin në gjykatën themelore Prizren, dhe gjykimi është drejt fundit, pasi seanca e ardhshme është caktuar me 10 shkurt, ku pritet të administrohet ekspertiza financiare dhe të jepet fjala përfundimtare.

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google

Po komentoni duke përdorur llogarinë tuaj Google. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s

Këtë e pëlqejnë %d blogues: