Presidentja thirrje liderëve për takim të përbashkët

fotoArbër Vllahiu thotë se është në interes që liderët politikë të ulën dhe të gjejnë një zgjidhje. Ai për lajmi.net, është shprehur se nëse nuk ka marrëveshje duhet të shikohet mundësia që vendi të nxirret nga kriza.

Nëse liderët politikë nuk arrijnë të gjejnë një zgjidhje për tejkalimin e krizës politike, atëherë zgjedhjet nuk përjashtohen si mundësi. Ky është qëndrimi i Presidencës së Kosovës.

Arbër Vllahiu këshilltar i presidentes Atifete Jahjaga ka thënë se është në interes që sa më shpejtë të gjendet zgjidhja, në të kundërtën, sipas tij, nëse një gjë e tillë nuk arrihet dhe mbesin si mundësi e vetme zgjedhjet, atëherë duhet të shikuar që vendi të nxirret nga kriza.

Vllahiu për lajmi.net ka thënë se kriza politike ka filluar të rrezikojë mirëqenien e qytetarëve dhe proceseve ndërkombëtare, me të cilat është e obliguar Kosova.

Ai nuk ka treguar nëse Jahjaga do tu bëjë ftesë liderëve partiakë për një takim të përbashkët.

“Ka një thirrje edhe personale edhe publike të presidentes Jahjaga për liderët e partive politike parlamentare që të ulen në një takim të përbashkët me qëllim të tejkalimit të mosmarrëveshjeve dhe të arritjes së një pajtimi për ndërtimin e institucioneve të qëndrueshme dhe përfshirëse në vend”.

“Kjo situatë tashmë ka filluar të rrezikojë mirëqenien e qytetarëve të vendit dhe proceset të ndërlidhura me obligimet ndërkombëtare të Kosovës. Është me interes që zgjidhja të gjendet nga liderët sa më shpejtë, dhe nëse ata nuk shohin asnjë alternativë tjetër, e nëse alternativa e vetme e mbetur janë zgjedhjet, atëherë duhet parë mundësinë që vendi të nxirret nga kjo situatë e pamundshme”, ka thënë Vllahiu.

I pyetur për një takim të përbashkët mes liderëve të Bllokut dhe PDK-së, me ndërmjetësimin e Presidentes Jahjaga, që ishte raportuar në media se mund të ndodh sot( e premte) ose të martën e ardhshme, Vllahiu ka thënë se në agjenden e Presidentes nuk ka pasur paralajmërim të tillë.

“Nuk ka pasur asnjë paralajmërim të mëhershëm për një takim të cilit ju i referoheni”, ka thënë Vllahiu për lajmi.net.

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google

Po komentoni duke përdorur llogarinë tuaj Google. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s

Këtë e pëlqejnë %d blogues: