Lideri i AAK-së, Ramush Haradinaj preferon që takimet konsultative te presidentja e Kosovës, Atifete Jahjaga, nëse do të mbahen, duhet të mbahen veç e veç.

Pas takimit të sotëm të koalicionit opozitar, Haradinaj iu ka thënë se gazetarëve se “nuk do të ishte produktiv një takim te presidentja nëse aty shkojnë të gjitha partitë politike”.

“Më mirë do të ishte që të shkojmë ndaras sepse nuk besoj që do ta rrihej diçka nëse shkojmë të gjithë përnjëherë”, ka thënë Haradinaj duke u përgjigjur në pyetjen nëse do t’i përgjigjej ftesës së presidentes për një takim ku e pranishme do të ishte edhe PDK.

Partitë e koalicionit VLAN shpesh iu kanë thënë mediave që ata i janë zotuar njëri tjetrit që me PDK as nuk do të takoheshin.

Ramush Haradinaj gjithashtu ka njoftuar se ende nuk ka njoftim zyrtar nëse është caktuar datë për vazhdimin e seancës konstituive të parlamentit.