Adelina Tahiri shprehet e kënaqur me ecurinë e saj në spektaklin “Dancing with the Stars”, që për herë të parë zhvillohet në Maqedoni.

Këngëtarja shkupjane është e vetmja shqiptare në këtë garë dhe përmendet si një prej kandidateve për të arritur në finalen e spektaklit. Ajo së fundi festoi ditëlindjen e saj të 21-të në Dancing është e shprehur që ende është pjesë e garës.

“Jam shumë e lumtur që me këtë ditëlindje time po festoj edhe suksesin në ‘Dancing With the Stars’ në Maqedoni. Tani kanë mbetur edhe 8 javë dhe uroj që të vazhdoj deri në fund”, ka thënë ajo për “Zëri”.

Bukuroshja ka premtuar se së shpejti do të vijë edhe një këngë dhe videoklip të ri.