Se teknologia e ka përfshirë çdo cep të Kosovës, dhe ka prekur çdo banorë të saj, e tregojnë të dhënët e fundit të Autoriteti Rregullativ të Telekomunikacionit (ART).  Sipas këtij raporti numri i prodhuesve të telefonit dhe internetit po rritet çdo ditë.

Derisa Enti i Statistikave ka thënë se jemi me pak më shumë se 1. 7 milionë banorë, në Kosovë janë mbi 1. 5 milionë përdorues të telefonit mobil.

Sipas ART-së brenda gjashtë muajve të parë të këtij viti numri i përdorues të telefonit mobil ka shkuar në mbi 1 milion e 500 mijë.  Kurse, telefoni fiks brenda kësaj kohë është përdorur nga 85 mijë persona. “Numri total i përdoruesve të telefonisë mobile në fund të gjashtë-mujorit të parë (TM2-2012) ka arritur në 1,522,841, që shënon një rritje prej 7.37% krahasuar me (TM2-2011). Kurse, trendi i penetrimit të telefonisë mobile vazhdon me ritëm rritës. Deri në fund të gjashtë-mujorit të parë 2012, penetrimi ka arritur në 87.8%, e cila shënon një rritje prej rreth 8% në krahasim me gjashtëmujorin e parë 2011”, ka treguar ART-ja në raportin “Pasqyrë e Tregut të Telekomunikacionit”.

Por, për dallim nga kjo rritje e numrit ne telefonin celulare, ne atë fikse ka pasur një rënie të lehtë.  Përdoruesit e telefonisë fikse deri në TM2 2012, kanë shënuar 85,030, e cila shënon një rënie jo të ndjeshme në numrin e përdoruesve. Norma e penetrimit për banor të telefonisë fikse deri në fund të gjashtëmujorit të parë 2012 apo fundi i TM2 2012 ishte 4.90% nivel ky që vazhdon të jetë shumë i ulët krahasuar me vendet e rajonit, në shtete në të cilat penetrimi sillet nga 10% në rreth 40%., ka vlerësuar ART.

Kurse, sa i përket internetit deri ne muajin e gjatë të këtij viti përqindja e familjeve që posedojnë internet ne shtëpi është 48. 45 për qind.

“Sipas të dhënave zyrtare më të fundit të raportuara nga operatorët, numri i familjeve që kanë qasje në Internet me brez të gjerë është afërsisht 48.45%. Bazuar në këto të dhëna, penetrimi i internetit në TM2-2012 (të dhënat e fundit të azhurnuara) për banor rezulton të jetë 8.25%”.

Autoriteti Rregullator i Telekomunikacionit (ART), ka treguar se edhe investimet në telekomunikacion ka shënuar rritje të dukshme.

“Investimet e bëra nga operatorët e shërbimeve telekomunikuese në TM2-2012 kapin shifrën prej 5,545,850 euro , e që është një rritje e prej rreth 37% krahasuar me periudhën TM1-2012 ku investimet kanë kapur shifrën prej 3,485,146 euro, përkatësisht janë rritur për 18% krahasuar me periudhën e njëjtë të vitit 2011”, thuhet ne raportin e ART-së./Nga: Fatos Shala