Të drejtën për të konkurruar e kanë të gjithë qytetarët e Kosovës, nëse kanë të kryer studimet fillestare bachelor.

Lansimi i këtij projekti për vitin 2015, të quajtur Programi i lidershipit transformues e që është bashkëpunim i Ambasadës së SHBA-së dhe Ministrisë së Arsimit, ka marrë vlerësime pozitive.

Rektori i Universitetit të Prishtinës, Ramadan Zejnullahu, është shprehur se ata që do të kenë fatin të studiojnë për master në SHBA, do të ishte mirë të kthehen në Kosovë dhe atë dije ta bartin në vendin tonë.

Ndërkaq, ambasadorja amerikane në Kosovë, Tracy Jacobson, ka thënë se është programi më i madh që deri tash ka projektuar ambasada. Vitin e kaluar, pikërisht nga ky program, kanë udhëtuar për në Amerikë 45 persona, ndërsa këtë vit do të udhëtojnë edhe 75 të tjerë, ku do të nisin sesionin vjeshtor të studimeve në vitin 2015.

Të gjithë të interesuarit për studime në SHBA kanë kohë të aplikojnë deri me datën 26 tetor të këtij viti dhe aplikacionin mund ta shkarkojnë në web faqen e ambasadës amerikane./KOHA.net/