Kryetari i Aleancës për Ardhmërinë e Kosovës, njëkohësisht edhe kandidati i bllokut VLAN për kryeministër, Ramush Haradinaj, nuk do ta votoj assesi të kandiduarin për kryetarë Kuvendi nga radhët e PDK-së, në vazhdimin e seancës së radhës.

Haradinaj pas takimit nga blloku, u pyet nga gazetarët nëse ai do ta votonte të kandiduarin e PDK-së, për të zhbllokuar situatën politike në vend, e më pas, blloku t’i futej procedurës së shkarkimit të kryekuvendarit, për ta emëruar një nga radhët e tij, transmeton indeksonline.

“Çdo deputet është i lirë që të votoj për kë do. Por, mua nuk më shtynë as një Gjykatë siç është ajo e Enver Hasanit, që të votoj për të kandisurin e PDK-së”, ishte përgjigjja e Haradinaj.