Të dy palët kanë rënë dakord që ta zhvillojnë një ndeshje më muajin maj.

Këtë e ka konfirmuar për televizionin tonë në bisedë telefonike Fadil Vokrri, por edhe FFK-ja, që ka lëshuar komunikatë për media, raporton KTV.

“Në takimin me selektorin Terim, të cilin e ka aranzhuar miku i madh Ali Shen, është shprehur gatishmëri që Turqia të luajë ndeshje miqësore me përfaqësuesen e Kosovës”, thuhet në komunikatën e FFK-së.

Turqia më 25 maj do të luajë ndeshje miqësore me Republikën e Irlandës, kurse Terim ka shprehur gatishmërinë dhe vullnetin e tij të plotë që kjo ndeshje të zhvillohet diku mes datave 20 – 23 maj, por kjo duhet të marrë miratimin e krerëve të Federatës së Turqisë.

Përfaqësuesja e Turqisë ishte opsion edhe për ndeshjen miqësore të 5 marsit, por, turqit në momentet e fundit aranzhuan përballjen me Suedinë.

Po ashtu të dyja palët janë marrë vesh që në të ardhmen të punohet edhe më ngushtë mes dy federatave dhe të dyja përfaqësueseve.