Sipas saj, LDK-ja nuk do të lidh koalicione parazgjedhore me asnjërën nga partitë politike, dhe nëse vendoset një gjë e tillë, kjo do të ndodhë pas zgjedhjeve, por duke u bazuar në dy kushte: numrat e fituar në legjislativin kosovar dhe përshtatjen e programeve me partitë tjera.

“Nëse dikush tenton që të krijojë paralele në mes vitit 2004 dhe 2014, mendoj se nuk është e drejtë një gjë e tillë sepse kemi të bëjmë me rrethana krejtësisht të ndryshme. LDK-ja ka bërë përpjekje që çdo herë të luaj rol konstruktiv brenda politikës kosovare”, ka thënë Osmani për Telegrafin.

Ndryshe, kryetari i Lidhjes Demokratike të Dardanisë,Nexhat Daci, ka deklaruar për media se në Kosovë duhet të përsëritet formula e koalicionit të vitit 2004, meqë sipas tij, “kjo do t’i shpëtonte Kosovën dhe qytetarët”. /Telegrafi/