Nenad Çanak ka deklaruar se zgjedhjet parlamentare në Serbi janë të rëndësishme sidomos për faktin se gjatë mandatit të përbërjes së re të Kuvendit do të ndryshojë Kushtetuta e Serbisë.

Nëse Serbia dëshiron të përshpejtojë integrimet evropiane, ajo duhet urgjentisht të ndryshojë aktin e vet më të lartë juridik, ka thënë për gazetën e Novi Sadit “Dnevnik”.

“Është e pamundur që me Kushtetutën që është aq larg realitetit dhe realitetit politik të hyjë në Bashkimin Evropian”.

Në Kushtetutën serbe gjendet klauzola në të cilën thuhet se Kosova është pjesë e territorit të Serbisë.

Njohës të integrimeve evropiane thonë se Brukselit nuk do të lejojë një formulim të tillë në Kushtetutën serbe nëse Serbia synon vërtet anëtarësimin në BE. /Koha/