Mirëpo, ashtu siç do të mund të ishte parashikuar, ky takim nuk kaloi edhe pa mosmarrëveshje në komunikim. Ndër të shumtat që përfliten, sidomos nëpër rrjete sociale, më e bukura ishte ajo që thuhet se ndodhi kur përfundoi konferenca për shtyp para “Shtëpisë së Lidhjes së Prizrenit”.

Kryeministri i Kosovës iu drejtua atij të Shqipërisë me zhargonin lokalist: “A nirthte”?

Shikimi me plot çudi i kryeministrit shqiptar, Edi Rama, e lë homologun e tij kosovar ta kuptojë se shefi i qeverisë shqiptare nuk morri vesh asgjë.

Vetëm kur Thaçi i thotë Ramës, “A pate të ftohtë?”, atëherë Rama ia ktheu: “Jo, jo në rregull ishte”. /Zëri/