Ajo mund të mos ketë pasur festat më të mira të fundvitit, prej vdekjes së gjyshes së saj, por Irina Shayk duket se e ka marrë veten, ndërsa është fotografuar si një “bishë” e vërtetë.

Supermodelja ka pozuar për linjën e re të rrobave të plazhit të firmës amerikane “Beach Bunny”, duke u dhënë më shumë hijeshi dhe bukuri nga trupi i saj.

Duke pozuar në plazhe tropikale, modelja ruse “përvëlom” me pozat tunduese dhe pamjen e saj, ku bien në sy buzët mishtore. E dashura 28 vjeçare e futbollistit Cristiano Ronaldo, mahnit me format e saj, duke u bërë një prej imazheve më të preferuara të shtëpive të modës.

Stilistja e linjës së “Beach Bunny”, Angela Chittenden nga California, shprehet se “Irina i bën veshjet më sekse dhe elegante. Është pa diskutim e mahnitshme”./Indeksonline/