Ideja e Kryeministrit, Hashim Thaçi, për të kërkuar ndihmë nga Komisioni i Venedikut për t’ia vënë kapakun reformës zgjedhore, ka ngjallur reagime të gjithanshme në Kosovë.

Të gjitha partitë politike, por edhe ekspertët kosovarë e quajnë irracionale idenë e Thaçit që punët e brendshme t’i “pleqnojnë të huajt”.

Sipas tyre, Kosova ka kuadro të mjaftueshme për çështjet e reformës zgjedhore, prandaj nuk është e nevojshme që ky komision të vijë në Kosovë, shkruan Zëri.