Ish-kryetari i Rahovecit, Smajl Latifi nuk është intervistuar deri më tash nga Prokuroria, për akuzat që ka bërë në drejtim të kryeministrit të Kosovës, Hashim Thaçit për blerjen e votave në këtë qytet.

”Jo nuk jam intervistuar nga askush”, thotë Latifi për “PrizrenPress” .

Kryeprokurori i rajonit të Prizrenit, Sylë Hoxhaj, pati premtuar se nëse akuzat e Latifit kanë bazë, Prokuroria do të fillojë hetimet. “Nëse ka bazë, ne do të nisim hetimet këtu s’ka pardon”, pat premtuar Hoxhaj.

Ndërkaq, Latifi shpreson se organet e drejtësisë do t’i marrin seriozisht akuzat e tij, që ka bërë publikisht për blerjen e votave nga PDK-ja. “Shpresoj se këtë vit do të sqarohet edhe kjo punë”, shpreht shkurt Latifi.

Ish-kryetari i Rahovecit, Smajl Latifi, ka akuzuar kryeministrin e Kosovës, Hashim Thaçin dhe Ministrinë e Bujqësisë për blerjen e votave në Rahovec.

“Ka pasur blerje të votave me anë të subveciovene. Unë do të doja që ndonjë prokuror të më intervistonte dhe t’i tregoj faktet që kam”.