“Dhuna seksuale në veçanti ndaj grave gjatë, periudhës së luftërave në Kosovës dhe mbarë rajonin janë përdorur si instrumente politike për spastrime etnike” shprehet Lobi Rajonal i Grave ku fton “bashkësinë ndërkombëtare që drejtësia të vehet në vend duke i dhënë denimin e merituar të gjithë atyre që janë përgjegjës për këto krime kundër njerëzimit, ndërsa fton shtetet e rajonit që tu ofrojnë mbrojtje dhe përkujdesje institucionale ndaj viktimave të dhunës seksuale”.

Lobi Rajonal i Grave shprehet se mbështet nismat e kohëve të fundit për amandamentimin e “Ligjit për statusin dhe të drejtat e dëshmoreve, invalidëve, veteranëve, pjesëtareve të Ushtrisë Çlirimtare të Kosovës, viktimave civile të luftës dhe familjarët e tyre” kur për herë të parë synohet të vendosen si kategori e viktimave të luftës dhe personat e dhunuar seksualisht.