Kishte planifikuar të bënte lindje me operacion në datën 10 shkurt për sjelljen në jetë të fëmijës së saj të parë, por Çiljeta Xhilaga u bë nënë më parë, pikërisht në ditëlindjen e saj, më 5 shkurt, pesë minuta para ditëlindjes së saj më 6 shkurt. Menjëherë pasi ka ndier dhembjet e lindjes, Çiljeta i është drejtuar maternitetit, ku ka sjellë në jetë djalin me operacion çezerian.

Çiljeta ka preferuar ta japë vetë lajmin nëpërmjet rrjetit social facebook, ku ka shkruar një status me fjalët: “Të dashur miq, sot ju njoftoj se jam bërë mami. Zoti donte që djalin ta lindja në një datë me ditëlindjen time, vetëm 5 minuta para se të hynte data 6 shkurt. Jam mami më me fat në botë që kam sjellë në jetë një djalë të shëndetshëm dhe të paparë”, ka përfunduar statusi i saj i shkruar prej këngëtares nga telefoni i saj, Blackbarry. Çiljeta kështu bëhet për herë të parë nëna e djalit që e ka quajtur Fernando, që sipas këngëtares u ngjan të dy prindërve. Fëmija lindi në peshën 3 kg dhe gëzon shëndet të plotë. Vetëm pak ditë para se të planifikonte lindjen.