Dy të rinj nga Tepelena kanë rënë në prangat e policisë, pasi janë identifikuar si maskat e Kakavijës, që ishin kthyer në tmerrin e udhëtarëve, sidomos të atyre klandestinë.

Policia bën me dije se janë arrestuar Bushi Rukaj dhe Eugen Becaj, nga 27 vjeç secili.

Të rinjtë vepronin në zonën e gjelbër mes Greqisë dhe Shqipërisë.

Policia ra në gjurmë të tyre dhe ata u kapën ndërsa kryenin grabitjen e radhës. Ata kishin hyrë në zonën e gjelbër dhe u kishin bërë pritë dy viktimave të radhës nga Shkodra dhe nga Vlora.

Atyre iu grabitën 1325 euro dhe një varëse ari, një orë dore dhe dy telefona celularë.