Komisioni Evropian do të bëjë raportin pasi të verifikojë se Serbia ka përmbushur të përmbushë kriteret kryesore lidhur me Kosovën.

Serbia do të marrë datën e fillimit të negociatave me BE-në pasi të përmbushë kriteret kryesore lidhur me Kosovën, shkruan në përmbledhjen e raportit të BE-së për Serbinë, transmetojnë sot agjenci serbe të lajmeve, transmeton RTK.
”Komisioni do të bëjë raportin pasi të verifikojë se Serbia ka përmbushur shkallën e domosdoshme të harmonizimit me kriteret që Këshilli i ka vënë më 5 dhjetor 2011, e sidomos ato lidhur me Kosovën”, theksohet në dokumentin e brendshëm KE, i cili trajton strategjinë e zgjerimit për periudhën 2012-2013, që do të publikohet më 10 tetor.