Gjatë takimit ministri Noka, i shprehu ambasadorit Selimi vlerësimet më të mira për  marrëdhëniet e shkëlqyera dypalëshe në të gjitha fushat.

“Bashkëpunimi ynë është në nivelet më të larta. Por, më lejoni të veçoj bashkëpunimin në fushën e kufirit, i cili nuk është thjesht një shembull i bashkëpunimit bilateral, por një shembull për të gjitha vendet e  tjera, si forma më e lartë në menaxhimin e integruar të kufijve, si forma më e lartë e bashkëpunimit ndërkufitar”, deklaroi Noka, raporton noa.al.

Ai shtoi se Rruga e Kombit ka ndikuar në rritjen maksimale të shkëmbimeve tregtare dhe në atë të turizmit. Nga ana e tij, ambasadori Selimi, i konfirmoi Nokës se bashkëpunimi mes dy vendeve jo vetëm do të vijojë, por do të njohë zhvillime edhe më intensive në të ardhmen.

Selimi vlerësoi rolin e rëndësishëm të Shqipërisë për ecurinë e mëtejshme të proceseve integruese të Kosovës.