Televizioni më alternativ në Kosovë, Kohavision ka lënë pas vetes 12 vjet të suksesit, të sfidës dhe të vështirësive, duke ecur gjithmonë me kohën. Gjatë kësaj periudhe të ekzistimit, KTV-ja mbetet lider në informimin e shpejtë dhe të pavarur. Kohavisioni nisi punën me një staf shumë më të vogël për të prodhuar vetëm 2 orë program në ditë.

Me gjithë sfidat dhe vështirësitë, KTV-ja shumë shpejt arriti të prodhonte 24 orë program, duke sjellë në skenë programe atraktive. Kohavisioni vazhdimisht është konsideruar si televizioni më alternativ në Kosovë, i cili u ka ofruar dhe vazhdon t’u ofrojë shikuesve emisione informative dhe argëtuese, si edhe një hapësirë të madhe me programe sportive.