Arrestimi i kryesuesit në Kuvendin Komunal të Prishtinës, Sami Hamiti nuk do ta mbyllë maratonën e arrestimeve të EULEX-it për zyrtarë institucionesh.

Gazeta “Kosova Sot” ka mësuar se vazhda e arrestimeve do të vazhdojë edhe me disa zyrtarë të lartë të komunës së Prishtinës, nën dyshimin për shpërdorim të detyrës zyrtare. Muaji shtator do të jetë i nxehtë edhe për deputetë të Kosovës, si dhe zyrtarët qeveritar.