Sot merret vendimi për kryesuesin e   Kuvendit Komunal të Prishtinës,  Sami Hamitin dhe dy biznesmenët e tjerë   Muharrem Rama dhe Agim Ademi  të cilët u arrestuan dje nga policia e   EULEX-it. Tre të dyshuarit për  momentin janë duke u intervistuar në Gjykatën e Qarkut në Prishtinë nga    Prokuroria e EULEX-it, e cila do të vendosë brenda ditës se çfarë do  të  behët   me ketë rast, pasi që masa e ndalimit policor për Sami  Hamitin dhe  dy   të tjerët skadon në orën 16:00.

INPO: Sami Hamiti të jap dorëheqje

Iniciativa  për Progres – INPO kërkon nga kryesuesi i asamblesë së  Prishtinës të  ofroj dorëheqjen e tij, pasi që tani në këto momente ai  dyshohet për  korrupsion edhe për zhvatje. “Ne si organizatë besojmë në parimin së çdo  njëri është i pafajshëm  deri sa të dëshmohet e kundërta, mirëpo në  demokraci ka standarde të  moralit që një zyrtar që hetohet për krime  serioze duhet të ofroj  dorëheqjen apo të shkarkohet nëse është e  nevojshme për të siguruar që  punët në institucionin që ai përfaqëson  vazhdojnë së funksionuari  normalisht dhe së imazhi i institucionit nuk  dëmtohet duke e humbur  kredibilitetin para qytetarëve”, ka thënë kjo  OJQ përmes një komunikatë dërguar  medieve.

Sjellje korrekte ne Qendrën për Ndalim

Monitorues  të Këshillit për Mbrojtjen e të Drejtave dhe Lirive të  Njeriut  vizituan sot të ndaluarit Sami Hamiti, Muharrem Rama dhe Agim  Ademi në  Qendrën për Ndalim në Prishtinë për t’u informuar rreth  trajtimit të  tyre gjatë arrestimit dhe gjatë mbajtjes në Qendrën e  Ndalimit. Tre të  ndaluarit i deklaruan KMDLNJ-së se  gjatë arrestimit,  marrjes në pyetje  dhe gjatë qëndrimit në këtë qendër trajtimi i tyre ka  qenë në  përputhje me ligjin. Ata janë njoftuar me të drejtat e tyre,  kanë  angazhuar avokatë dhe se sjelljen e policëve të Kosovës dhe  EULEX-it e  cilësojnë si korrekte. Edhe sjellja e policëve në Qendrën e  Ndalimit,  sipas deklaratës së tyre është korrekte. Monitorues të  KMDLNj-së  biseduan edhe me oficerët dhe përgjegjësin e Qendrën për  Ndalim,  z.Sokol Maxharraj. KMDLNj vlerëson pas këtij monitorimi nuk ka  pasur  shkelje të drejtave të njeriut ndaj personave të ndaluar dhe   njëkohësisht thekson kushtet jo të mira në të cilat punon stafi i kësaj   qendre./KOSOVASOT/