Ka shkuar në 19 bilanci i të vdekurve nga përdorimi i një vodka vdekjeprurëse në Republikën Çeke.

Shkak i vdekjes ka qenë përzierja e vodkas me menatol toksik.

Ndërkaq, krahas viktimave dhe 24 persona të tjerë gjenden të shtruar në spital nga përdorimi i alkoolit të lirë me përbërje të metanolit, që është një substancë helmuese, e përdorur për ta forcuar alkoolin, i cili prodhuesve u garanton fitime të larta në tregun e zi.

Disa nga ata që e kanë përdorë këtë alkool janë verbuar, ndërsa të tjerët janë në gjendje kome, duke ndezur shpresën tek ndihma e mjekëve.

Republika Çeke dje ka shpallur masa emergjente, derisa numri i personave që vdiqën nga helmimi me metanol ishte rritur. Në mesin e të vdekurve janë edhe dy ferma të moshës 28 dhe 21 vjeçare.

Në kioska dhe tregje është ndaluar shitja e pijeve me më tepër se 30% alkool. Nga ndërhyrja e policisë në 410 lokacione, janë gjetur 70 raste të alkoolit ilegal.

Kryeministri i Çekisë, Petër Neças, ka kërkuar nga të gjithë çekët, që të përmbahen nga pirja “e çfarëdo alkooli, origjina e të cilit është e paqartë”.

Megjithatë autoritetet kanë shqetësime se numri i të vdekurve mund të rritet. /E.L/