Mbrojtja e ish-ministrit të Shëndetësisë, Bujar Bukoshi, pretendon se çështja e ngritur ndaj tij nga Prokuroria Speciale e Kosovës është kundërkushtetuese.

Kjo, meqë sipas aktgjykimit të Gjykatës Kushtetuese, në lidhje me imunitetet funksionale, del se Bukoshi në kohën sa ishte ministër i Shëndetësisë ka pasur imunitet në veprimet që i ka ndërmarrë, duke ushtruar funksionin e ministrit dhe brenda orarit të punës së tij, raporton jnk.

Në Gjykatën e Qarkut në Prishtinë, ka vazhduar seanca për konfirmimin e aktakuzës ndaj ish-ministrit Bukoshi, dhe tani së fundmi zëvendëskryeministër i Kosovës; ish-sekretarit të Përhershëm, Ilir Tolaj, dhe ish-zyrtarëve të tjerë të kësaj ministrie, të cilët ngarkohen për 10 vepra penale, përfshirë shpërdorim të pozitës zyrtare ose autoritetit, kërkim të ryshfetit, evazion fiskal e deri tek pengimi të mbledhjes së provave.

Seanca e konfirmimit të aktakuzës kundër 10 të pandehurve të mbetur në aktakuzë do të vazhdojë të mërkurën./Indeksonline/