Renditja në vendin e dytë e Sebastian Vettel me Red Bull, bëri që tashmë diferenca e kampionit të dyfishtë të botës me spanjollin që kryeson kampionatin të shkurtohet në 24 pikë.

Aksidenti në fjalë, nisi kur francezi i Lotus, Romain Grosjean, ia afrua Luis Hamilton dhe të dy makinat bënë kontakt me njëra-tjetrën. Të dy fluturuan mbi makina të tjera, duke sjellë eliminimin e Alonso dhe Perez, ndërsa Kobayashi e Maldonado u desh të hynin në bokse për të rregulluar makinat e tyre.

Aksidenti ndryshoi krejtësisht hegjemonitë e kësaj gare, pasi Button pa që pas krahëve të tij tashmë ishte Kimi Raikkonen me Lotus, dyshja e Force India, Hulkenberg e Di Resta, Michael Schumacher me Mercedes dhe dy pilotët e Toro Roso, Ricciardo e Vergne.

Button arriti që të shkëputej që në fillim nga ndjekësit, duke zhvilluar një garë perfekte me vetëm një ndryshim gomash, pët të marrë i pashqetësuar fitoren e tij të dytë sezonale pas asaj në garën e hapjes në Australi.

Pas tij u rendit Sebastian Vettel, i cili kreu gjithashtu një strategji mjaft të mirë me një ndalesë për ndërrim gomash, si dhe zhvilloi disa parakalime të njëpasnjëshme në fillimin e garës, duke arritur të mbajë vendin e dytë në podium.

Në vendin e tretë u rendit Kimi Raikkonen, i cili në ndryshim nga pretendentët e tjerë, kishte një strategji me dy ndalesa dhe u penalizua ndjeshëm nga një gjë e tillë.

Renditja e përgjithshme në “Formula 1”:

Fernando Alonso (Ferrari)

Sebastian Vettel (Red Bull-Reno)

Mark Webber (Red Bull-Reno)

Kimi Raikkonen (Lotus-Reno)

Luis Hamilton (McLaren-Mercedes)

Jenson Button (McLaren-Mercedes)

Niko Rosberg (Mercedes)

Romain Grosjean (Lotus-Reno)

Sergio Perez (Sauber-Ferrari)

Michael Schumacher (Mercedes)

Felipe Massa (Ferrari)

Jenson Button i McLaren dominoi në Çmimin e Madh të Belgjikës që filloi me një përplasje masive e cila nxori jashtë loje që në kthesën e parë pretendentët për titullin kampion, Fernando Alonso me Ferrari dhe Luis Hamilton me McLaren.