Dy persona kanë përfunduar në pranga të Policisë së Kosovës me dyshimin e bazuar se të njëjtit janë marrë me kontrabandim të migrantëve. Sipas policisë, dje  pasdite hetuesit policor nga Njësia e  Hetimeve të  Departamentit të Policisë Kufitare në Prishtinë, me  urdhëresë të Gjykatës së Qarkut në Prishtinë ka realizuar një operacion policore me ç’ rast ka arrestuar personin  Idriz  G.  i lindur me 1986 mashkull shqiptar kosovar  me dyshimin e bazuar se i njëjti ka kryer veprën penale “Kontrabandim me migrant“. Si vazhdimësi e operacionit policor në fshatin Hajvali  të Prishtinës, janë  kryer  bastisje në   një shtëpi dhe një objektet përcjellëse pronë e personit të dyshuar.
Mësohet se gjatë bastisjes në shtëpinë e të dyshuarit  janë gjetur  dhe konfiskuar  në cilësi të provave materiale: dokumente, targa të automjeteve, municion dhe gjensente tjera.

Bazuar në hetimet preliminare personi i arrestuar dyshohet se ka kryer veprën penale duke bërë kontrabandim të personave shtetas të huaj të cilët kishin për qellim ta përdorin Kosovën si vend transit për të kaluar në vendet perëndimore.
Si pjesë e këtij operacioni policor  në Prishtinë është arrestuar një person i cili dyshohet të jetë shtetas pakistanez, i cili është arrestuar pasi qe nuk ka poseduar asnjë dokument identifikues dhe ndërlidhet me të dyshuarin tani më të arrestuar.
Të gjitha veprimet policore lidhur me këtë rast janë kryer nën autorizimin e prokurorit përkatës dhe ndaj të arrestuarve  është caktuar masa e ndalimit policore për 48 orë për të vazhduar me procedurat e mëtejshme hetimore./Indeksonline/