Zjarret kanë shkaktuar situatë alarmante në shumë zona të Shqipërisë. Disa vatra të aktivizuara prej ditësh kanë shkaktuar dëm të madh mjedisor në pyjet e Qafë Shapkës e Stëblevës në Librazhd, pyjet me pisha në Krrabë si dhe masivet me pisha në Orosh e Kryezi të Pukës. Në Pukë, siç njofton TV News24,  situatë problematike është në fshatin Fletë, komuna Blerim në Pukë, ku si pasojë e flakëve të zjarrit janë djegur 10 ha pyje, 2 banesa si dhe një vresht. Banesat në këtë periudhë nuk ka qënë të banuara, por orenditë në to janë djegur plotësisht. Nënprefekti i Pukës Mirash Markdodaj i bën thirrje policisë së qarkut të ndërhyjë për të marrë situatën në dore, pasi dëmet e shkaktuara nga zjarret janë kolosale. Në Pukë, deri në këto momente është përfshirë nga flakët Kryezi, pranë antenave televizive në Mirditë, malet e Gojanit , Lumzi , gryka e Gerës, Mërtur Guri, si dhe 2 vatra zjarri në malet e Qelzës.

Ministria e Brendshme njoftoi dje se 26 vatra zjarri janë aktive. Edhe në pyjet e nënprefekturës së Librazhdit prej të paktën dy ditësh rezulton të jenë aktive disa vatra zjarri mjaft të fuqishme.

Më kritike situata aktualisht paraqitet në disa prej masive pyjore në fshatrat e komunës së Steblevës. Një situatë alarmante nga zjarret u krijua dje edhe në Kavajë. Një zjarr i madh ka shpërthyer në Kryevidh, ku flakët rrezikuan edhe banesat e fshatit. Në Krrabë situata u rëndua pasi flakët u përhapen duke iu afruar të dy anëve të rrugës nacionale.

Situatë që solli mobilizimin e policisë rrugore për mundësimin pa probleme në qarkullimin e mjeteve në këtë segment rrugor. Rezulton se nga zjarri të jetë djegur një sipërfaqe me e madhe se 3 hektarë. Ndërkohë policia bën të ditur se ka ndaluar dy të rinj, Panajot Lika dhe Krenar Beqari, të cilët dyshohen për zjarrvënie te qëllimshme në zonën e Krrabes.

Një zjarr i përmasave të mëdha ka përfshirë pasditen e sotme Kodër Krastën. Flakët kanë përfshirë një sipërfaqe të konsiderueshm me pisha, ndërkohë që burime nga vendngjarja bëjnë me dije se për shkak të terrenit të vështirë është e pamundur ndërhyrja e zjarrfikësve. Era favorizon përhapjen e flakëve në një sipërfaqe më të madhe, ndërkohë që ende nuk dihet shkaku i rënies se zjarrit. Nga hetimet paraprake dyshohet për zjarrvënie të qëllimshme.

Ndërkohë që situata e vatrave të zjarrit në të gjithë terriotrin e vendit, gjatë ditës së sotme 25 gusht 2012, bazuar në informacionet e grumbulluara në Drejtorinë Operacionale të Drejtim Komandimit të Emergjencave Civile, nga specialistët e Emergjencave Civile në Institucionin e Prefektëve, stacionet e PMNZSH-së në rrethe, drejtuesit dhe përfaqësuesit e njësive të Qeverisjes Vendore, nga strukturat e Shërbimit Pyjor, si dhe nga pika të tjera kontakti në nivel qendror dhe vendor, paraqitet si më poshtë vijon:

Në të gjithë territoritn e Shqipërisët, si pasojë e temperaturave të larta dhe erës së fortë ka patur një rritje të vatrave aktive të zjarrit, duka arritur në 40 të tilla.