Gjahtarët në Namibi kanë vrarë një kafshë që ka një pamje të pazakonshme dhe kanë postuar videon në YouTube. Ata pohojnë se pamjet janë origjinale dhe nuk janë modifikuar. Krijesa në fjalë, që nuk i përket ndonjë prej specieve të njohura në planetin tonë, ka një gjatësi prej gjysmë metri dhe është i pajisur me kthetra. Vendasit kanë deklaruar se kanë arritur të shikojnë tre krijesa të tilla, ndonëse kanë vrarë vetëm njërën e cila i kishte sulmuar. Autoritetet po hetojnë për të zbuluar për çfarë bëhet fjalë, ndërsa mes popullsisë kanë filluar të qarkullojnë histori me jashtëtokësore.