Dy subjektet politike më të mëdha opozitare në vend, Lidhja Demokratike e Kosovës dhe Lëvizja Vetëvendosje, janë shprehur edhe një herë kundër vazhdimit të bisedimeve të paralajmëruara me Serbinë, aq më tepër që temë e bisedimeve do të jetë veriu i vendit. Shefat e grupeve parlamentare të këtyre dy partive politike kanë deklaruar se bisedimet për territorin, sovranitetin, pasurinë dhe statusin e Kosovës janë jo parimore, të dëmshme, të rrezikshme dhe si të tilla të papranueshme.

Ismet Beqiri i LDK-së, dhe Visar Ymeri i VV-së, duke iu përgjigjur pyetjes së Kosova Info, se në rast se LDK-ja, përkatësisht Lëvizja Vetëvendosje nuk pranojnë të hyjnë në bisedime me Serbinë për çështjen e veriut, a ekziston rreziku që faktori ndërkombëtar t’i margjinalizojë këto dy parti dhe a ekziston mundësia që LDK-në dhe VV-në po i pret fati i koalicionit të përbashkët parazgjedhor, kanë deklaruar se bisedimet duhet të jenë transparente, të përgatitura mirë dhe me agjendë të qartë.