Përmes një ankandi publik, Ministria e Tregtisë dhe Industrisë, e cila drejtohet nga Mimoza Kusari-Lila, ka nxjerrë në shitje 283 vetura, ku për shumicën prej tyre, ministria ka caktuar çmime qesharake.

Në ankand një Golf 5 i prodhuar në vitin 2008, po shitet për 1300 euro.

Këto vetura që janë nxjerrë në shitje nga MTI-ja, deri më tash janë përdorur nga Policia e Kosovës, Ministria e Mjedisit dhe Planifikimit Hapësinor, Ministria e Shëndetësisë, Ministria e Tregtisë dhe Industrisë, Ministria e Kulturës, Rinisë dhe Sporteve, Ministria e Punëve të Brendshme, Ministria e Zhvillimit Ekonomik dhe Ministria e Drejtësisë, shkruan “Zëri”.

E Policia e Kosovës, prin për numrin e xhipave të nxjerrë në shitje në ankandin e Ministrisë së Tregtisë dhe Industrisë./Indeksonline/