Shef i Grupit Parlamentar, Adem Grabovci thotë se partitë duhet të kontribuojnë në dialogun me Serbinë vetëm përmes Parlamentit. Sipas tij, opozita për këtë është e obliguar.

Deklaratave të Kryeparlamentarit Jakup Krasniqi se për dialog politik me Serbinë duhet një koalicion më i gjerë i spektrit politik, nuk po i qëndron prapa partia e tij.

Por PDK’ja duket se favorizon një bashkëpunim për temën e dialogut përmes Parlamentit. “Ne edhe më herët e kemi thënë që nuk është problem që i takon vetëm një subjekti politik, nuk është problem që të kemi të bëjmë me pozitë ose opozitë, po është diçka me interes nacional dhe për të qenë sa më të përgatitur, normalisht do të ishte mirë që të gjitha subjektet politike, të paktën ato të cilat janë pjesëmarrëse në Parlament, të kontribuojnë”, ka thënë Grabovci, shkruan express./standardi.info