Policia kroate ka zbuluar rreth 50 kilogram drogë marihuanë në një autobus me targa të Kosovës në Çeglje të komunës Jasterbarsko.

Sipas autoriteteve kroate, në këtë aksion u ndalua 33 vjeçari, shtetas i Kosovës, dhe tre shtetas kroatë, të përfshirë në kontrabandimin e drogës.

Droga u gjet në autobusin e linjës Shqipëri – Itali, ku Kroacia shfrytëzohej si destinacion transitor, transmeton INA.

Policia arriti të ndalojë grupin derisa po qëndronte pranë autobusit të parkuar në këtë zonë dhe po merrej vesh rreth pranim – dorëzimit të drogës dhe parave.

Gjatë ndalimit dhe kontrollit të kryer në autobus janë gjetur 13 kg drogë marihuanë si dhe një sasi parash, ndërsa në makinën e tre kroatëve janë gjetur 38 kg marihuanë, dërgesa më e madhe që sapo ishte ngarkuar në makinë. Autoritetet kroate theksuan se droga vinte nga Shqipëria dhe kishte si destinacion tregun kroat dhe atë evropian./Indeksonline/